Sumarlesning 2011 / Skáldsaga Íslands e. Pétur Gunnarsson

Myndin af heiminum (Skáldsaga Íslands #1) 

Sköpun heimsins, Íslands, mannsins ¬ þetta eru yrkisefni Péturs Gunnarssonar í þessari metnaðarfullu og glæsilegu skáldsögu. Um leið og sögumaður brýtur til mergjar miklar spurningar um hinstu rök, þarf hann að kljást við þær í eigin lífi ¬ svo úr verður spennandi og einstaklega gefandi saga, skrifuð af þeirri fyndni, dýpt og mannlegu hlýju sem einkenna skáldskap Péturs Gunnarssonar.

Leiðin til Rómar (Skáldsaga Íslands #2) 

Á 12. öld er Róm miðlæg stærð, öll Evrópa er á faraldsfæti til Rómar. Þar leita menn sálu sinni hjálpar og freista þess að greiða götu hennar til himna. Á 21. öld liggja líka leiðir til Rómar en ólíkt pílagrímum fyrri tíma fer Máni þangað á puttanum. Hér vindur fram tveimur sögum og tímarnir fléttast saman, líkt og í síðustu bók Péturs, Myndinni af heiminum, sem var fádæma vel tekið og tilnefnd til Íslensku bókmenntaverðlaunanna árið 2000. Leiðin til Rómar er framhald hennar og annar hluti í sagnaflokki Péturs, Skáldsaga Íslands.

Viðurkenning: Íslensku bókmenntaverðlaunin

Vélar tímans (Skáldsaga Íslands #3) 

Í byrjun 15. aldar hefur Svartidauði kvistað niður landslýðinn svo innan við helmingur lifir eftir af þjóðinni. Unglingspilturinn Natan er einn eftir af munkum Þykkvabæjarklausturs. Í rás sögunnar slæst Natan í fræga för með Birni Jórsalafara til Jerúsalem. Samtímis er ferðast um hugarheim fólksins í gegnum bókmenntir tímabilsins. Jafnframt er, eins og í fyrri bókum bálksins, dvalið við nútímann og hann skoðaður í aldarspegli hins liðna, og öfugt. Þriðja bókin í hinum frumlega og metnaðarfulla sagnabálki Péturs, sem hann kallar Skáldsögu Íslands.

Fyrri bækurnar, Myndin af heiminum og Leiðin til Rómar, voru báðar tilnefndar til Íslensku bókmenntaverðlaunanna.

Þessar þrjár skáldsögur Péturs; Myndin af heiminum: Skáldsaga Íslands (2000), Leiðin til Rómar: Skáldsaga Íslands II (2002) og Vélar tímans: Skáldsaga Íslands III (2004) eru sögulegar skáldsögur.