Bréf til næturinnar e. Kristínu Jónsdóttur

Ljóðin spanna tuttugu ára sögu. Þau mynda eina heild og hafa um margt sérstöðu meðal íslenskra ljóða. Höfundur tjáir innstu tilfinningar á opinskáan og einlægan hátt í sinni fyrstu ljóðabók sem er níunda bókin í flokknum Austfirsk ljóðskáld.

Kristín Jónsdóttir er fædd á Hlíð í Lóni árið 1963 og hefur lengst af búið í Lóni og unnið þar við búskap. Kristín hefur stundað ritstörf frá unga aldri og birt ljóð, smásögur og greinar í blöðum og tímaritum. Bréf til næturinnar er fyrsta ljóðabók Kristínar og hafa ljóðin orðið til á nærri tveimur áratugum.

Félag ljóðaunnenda á Austurlandi gefur út.