Svínshöfuð e. Bergþóra Snæbjörnsdóttir

Af hverju fær eldri maður frá Breiðafirði viðurnefnið Svínshöfuð?

Kínversk mæðgin koma til Íslands um miðjan tíunda áratuginn. Nýja fjölskyldan á sér gamlar sorgir, sársaukinn liggur kynslóða á milli. Eins og strengur.

Sagan fléttast frá upphafi seinni heimsstyrjaldarinnar með viðkomu á lítilli, breiðfirskri eyju, suðurhluta Kína. Og útverfi Kópavogs.

Skáldsagan Svínshöfuð spannar áratugi og gerist á eyju á Breiðafirði, í Kína og í Kópavogi. „Ég ætlaði að skrifa stutt og einfalt verk með afmörkuðu sögusviði,“ segir Bergþóra. „Ég var í Stykkishólmi sumarlangt þegar ég var að vinna söguna og þá fóru sögur úr eyjunum að leita á mig. Sagan varð svona, það bara gerðist sjálfkrafa og var á köflum yfirþyrmandi. Seinna áttaði ég mig á því að ég þurfti að fara svona langt aftur í fortíðina til að geta fjallað um samtímann, til þess að skýra gjörðir persónanna í nútímanum. Ekkert okkar er ósnortið af reynslu fyrri kynslóða.“

Tilnefnd til Íslensku bókmenntaverðlaunanna. / Handhafi Fjöruverðlaunanna. / BESTA SKÁLDSAGA ÁRSINS AÐ MATI BÓKSALA.

https://www.ruv.is/frett/svinshofud-bergthora-snaebjornsdottir
https://bokmenntagagnryni.is/gagnryni/2959/