Átta fjöll e. Paolo Cognetti

Átta fjöll er einstæð saga um sterka og einlæga vináttu tveggja drengja sem eiga sér ólíkan bakgrunn og hvernig samband þeirra þróast, breytist og reynir á þá í áranna rás.

Pietro er einmana strákur sem elst upp hjá foreldrum sínum í Mílanó. Það eina sem sameinar fjölskylduna er ástin á fjöllum Norður-Ítalíu og þangað fara þau á hverju sumri. Þar kynnist Pietro kúahirðinum Bruno, sem þekkir fjöllin en er um leið rígbundinn þeim.

Þeir eyða sumrunum í að kanna þau og læra um leið að þekkja hvor annan og sjálfa sig, hæfileika sína, tilfinningar og takmarkanir. Og þótt leiðir þeirra skilji og Bruno verði um kyrrt uppi í fjöllum en Pietro flakki um heiminn slitnar bandið sem tengir þá saman aldrei.

Paolo Cognetti er rithöfundur frá Mílanó sem býr ýmist í New York eða í fjallakofa í Ölpunum. Átta fjöll varð metsölubók á Ítalíu og hlaut Strega-verðlaunin, virtustu bókmenntaverðlaun Ítala, árið 2017, og einnig Strega Giovani-verðlaunin fyrir bestu bók ungs rithöfundar. Bókin hefur vakið mikla athygli víða um heim og verið þýdd á yfir 30 tungumál.

 

"Bókin heitir ÁTTA FJÖLL og þýdd af Brynju Cortes Andrésdóttur. Þessi bók er unaðslestur, dásamleg saga um vináttu og náttúru Ítalskra fjalla og margt fleira. Þetta er bók fyrir alla sem vilja ylja sál sinni og hjarta með fallegum lestri. Svo er þýðandinn alveg stórkostlega góð. Hún fær 10 stjörnur hjá mér.  Njótið. ~Bókagull"

 

https://www.ruv.is/frett/atta-fjoll-paolo-cognetti
https://www.mbl.is/greinasafn/grein/1673932/
https://www.ruv.is/utvarp/spila/bok-vikunnar/23805/7i11q3
https://www.theguardian.com/books/2018/mar/18/eight-mountains-paolo-cognetti-review